Казанда Бөтендөнья робот техникасы олимпиадасының бөтенроссия этабы ачыла

Казанда 21 июньдә  Бөтендөнья робот техникасы олимпиадасының бөтенроссия этабын ачу тантанасы була. Биредә РФнең 42 субъектыннан килгән мәктәп балалары, ил данын дөнья күләмендәге олимпиадада яклау хокукы өчен, зиһенлектә, осталыкта көч сынашачак. Шулай ук Казахстан Республикасыннан да килүләре билгеле.

“Татар-информ” МА сайтында чаралар һәм ярышлар ачылышы онлайн-трансляциясен карарга мөмкин. Казан теннис академиясеннән трансляция көндезге сәгать өченче яртыда башлана. Биредә робот техникасын  җитештерүчеләрдән иң уңышлы эшләнмәләр күргәзмәсе һәм балалар өчен мастер-класслар оештырылачак.

"Татар-информ" мәгълүмат агентлыгы.