Хакыйкатькә юл яру

-Сайлаулар вакытында аңлашылмаучылык килеп чыккан очракларда блогерларның, яшь күзәтүчеләрнең тикшерелгән фактларга һәм профессиональ хокук саклаучыларга мөрәҗәгать итүе бик тә мөһим,- диде медиаүзәктә узган видеоконференция вакытында журналистларга “Чиста сайлаулар өчен” корпусы” әгъзасы Алена Булгакова. - Әмма аңа кадәр ул инде сайлау хокукы нигезләре дигән мәктәпне узарга тиеш. Хакыйкатькә таба шундый ноктадан этенеп киткәндә генә юл яруы җиңел. Миңа соңгы егерме елда Россия төбәкләренең 85 процентын аркылыга-буйлыга үтәргә туры килде. Шул гомер эчендә Татарстан кебек рәхәт төбәкне күргәнем булмады. Татарстанда теләсә-кайсы проблеманы чишүе җиңел. Хәтта шушы җирнең кимчелекләрен эзләп йөргән очракта да. Ул бары тик шушы халыкның тормышын җиңеләйтүгә генә юнәлгән булсын... Аның халкы – сайлаучымы ул, сайланучымы – шушы якның киләчәге өчен янып йөрүчеләрдән.

Ирек НИГЪМӘТИ