Кукмарада VIII Бөтенроссия Айтматов укулары

22 декабря 2023 Admin

Кукмараның 1 нче гимназиясендә VIII Бөтенроссия Чыңгыз Айтматов фәнни укулары булып узды.

Быел ул бөек әдипнең 95 еллыгына багышлап «Мәгарифтә остазлык: гражданлык-патриотик тәрбия бирүнең нәтиҗәле моделе» шигаре астында оештырылды.

Чараның пленар өлеше районның мәдәният сараенда «Чыңгыз Айтматов мирасы: киләчәккә караш» дигән темага багышланды. Монда әдип тормышы һәм иҗаты белән бәйле күргәзмә эшләде, әдәби-музыкаль тамаша күрсәтелде һәм язучының иҗатына бәйле чыгыш-дискуссияләр булды. Кукмарадагы Чыңгыз Айтматов исемендәге 1 нче гимназиядәге секцияләрдә фәнни укуда катнашучылар үзләренең эшләре буенча чыгышлар ясады, мастер-класс күрсәтелде. Быел Айтматов укуларында катнашырга теләк белдерүчеләр саны 60 тан артып киткән. Алар арасында республикабыз районнарыннан һәм Киров өлкәсе, Пермь крае, Сверловск өлкәсеннән килгән укытучылар бар иде.