Кышкы «Күрше» бәйрәме

02 гыйнвар 2026 Ләйсән НИЗАМОВА

Быел кыш «Күрше» фестивале кысаларында 200 дән артык яңа ел чарасы узачак. Фестивальнең өч атнасында 60 мең кеше катнашырга өлгергән инде, аларның 27 проценты – татарстанлылар. Моннан тыш, проект Россиянең 51 төбәгеннән килгән кунакларны да колачлаган.

«Күрше» фестивале – ишегалларында һәм җәмәгать киңлекләрендә узучы чара. Аны бәйгедә җиңгән үзмәшгульләр, шәхси эшмәкәрләр, идарәчеләр һәм оешмалар, муниципаль бюджет учреждениеләре оештыра. Фестиваль чаралары 2026 елның 28 февраленә кадәр дәвам итәчәк.