Лениногорскида Кыш бабай резиденциясе ачылды

Лениногорск шәһәренең М.Горький исемендәге урман паркында Кыш бабай резиденциясе ачылды. Резиденция матур йортта урнашкан. Анда Кыш бабай белән фотога төшәргә мөмкин.
​​​​​​Резиденция 26 декабрьдән 8 гыйнварга кадәр 13.00 сәгатьтән 19.00 сәгатькә кадәр эшли. Бу хакта «Заман сулышы» хәбәр итә.
Бүген Кыш бабайга килеп шигырь сөйләүчеләр дә булды. Аларга бүләк тә тапшырылды. Шулай ук мастер-класс та үткәрелде.