«Мәгариф» хезмәткәре — иң яхшы сыйныф җитәкчесе

«Мәгариф» журналында бүлек мөхәррире булып эшләгән Айгөл Гарифуллина «Ел укытучысы» бәйгесенең шәһәр этабында сынатмады.
Айгөл Рафаэль кызы Казанның 16 нчы татар-инглиз гимназиясендә туган тел һәм әдәбият укыта. «Ел укытучысы – 2019» бәйгесенең шәһәркүләм этабында хезмәттәшебез «Сыйныф җитәкчесе» номинациясендә иң яхшысы булып танылды. 
Исегезгә төшерәбез, бүген Казан Ратушасында «Ел укытучысы» бәйгесенең әлеге этабына нәтиҗә ясалды.