Март аенда башланган “IT-чемпион” бәйгесендә 100 528 бала катнаша

Бәйгедә актив катнашучылар рәтендә Яшел Үзән, Теләче, Арча, Мөслим районнары һәм Казан шәһәре мәктәпләре укучылары исәпләнә. Республикада баллар күләме буенча һаман да Теләче урта мәктәбе укучысы Инсаф Шөгаепов алдынгылардан санала.

Актив 10 мәктәп исемлегенә Теләче, Тукай, Буа, Яңа Чишмә, Балтач һәм Чүпрәле, Нурлат районнарыннан мәктәпләр керде.

Билгеле булганча, “IT-чемпион” бәйгесе кысаларында мәктәп укучылары өлкәннәргә Татарстан Республикасы дәүләт һәм муниципаль хезмәтләр порталы хакында сөйлиләр, шәхси кабинетлар белән эшләргә һәм электрон хезмәтләрне түләргә өйрәтәләр. Һәр этап нәтиҗәләре буенча һәр муниципаль районнан өч мәктәп укучысы ноутбуклар белән бүләкләнә.

 ТР Мәгариф һәм фән министрлыгы.