«Ел табибы – Ак чәчәкләр-2018» бәйгесе номинантлары өчен тавыш бирү башланды

Быел игълан ителгән биш номинациянең һәрберсендә («Сәламәтлек саклау тармагы легендасы» номинациясеннән тыш) өчәр лаеклы кандидат яки табиблар коллективы («Уникаль очрак») өчен тавыш бирергә мөмкин. Республика Сәламәтлек саклау министрлыгы матбугат хезмәте хәбәр итүенчә, җиңүчеләр министрлык каршындагы Иҗтимагый совет утырышында билгеле булачак. Шул ук вакытта интернет-тавыш бирү нәтиҗәләре дә игътибарга алыначак.
 

Бәйгедә катнашучылар белән танышу һәм үз тавышыгызны бирү өчен түбәндәге сылтама буенча узарга мөмкин.