Надир Дәүләтне искә алалар

Иртәгә, 11 июль көнне Истанбулда күптән түгел арабыздан киткән күренекле татар галиме, тарихчы, җәмәгать эшлеклесе Надир Дәүләтне искә алачаклар. Конференцияне Төркиядәге Татарстан Республикасы вәкиллеге оештыра.
    Конференциядә Татарстаннан Татар энциклопедиясе һәм төбәкне өйрәнү институты директоры Искәндәр Гыйләҗев, Бөтендөнья Татар конгрессы башкарма комитеты рәисе урынбасары Марс Тукаев, мәрхүмнең хәләл җефете Бәрил Дәүләт, төрек галимнәре һәм җәмәгать эшлеклеләре катнашачак һәм чыгыш ясаячак.

Рәшит МИНҺАҖ