Нәсел агачың ныкмы?

Казандагы 184 нче гимназиядә укучыларның  «Шәҗәрәләр – нәсел агачы»  дип аталган  IX төбәкара фәнни-гамәли конференциясе үтте.
Алар  мөгаллимнәр  шәҗәрәсе,  үз нәселендәге бөек шәхесләр,  милли йолалар,  авыл мәчетләре тарихы  һәм чишмәләргә багышланган эшләре белән чыгыш ясады.
Укытучылар  осталык дәресләрендә катнашты,  Г. Камалның «Беренче театр»ын тамаша кылды. Катнашучылар һәм кунаклар хозурына шәҗәрәләр ясау остасы  Нәҗип Нәккаш күргәзмәсе  тәкъдим ителгән иде.
Альберт САБИРОВ