Ноябрьдә өстәмә ял көне була

«4 ноябрь - Халыклар бердәмлеге көне һәм 6 ноябрь - Татарстан Конституциясе көне. Алар Татарстанда бәйрәм булмаган ял көннәре булып тора», диелгән документта.
Шулай итеп, җомга көнне, 4 ноябрьдә татарстанлылар ял итә. Россия Федерациясе Хезмәт кодексы маддәсе нигезендә, бәйрәм алдыннан эш көне бер сәгатькә кыскартыла.
6 ноябрь көнне төбәк бәйрәме якшәмбегә туры килә. Татарстан законы нигезендә, бәйрәм белән бергә туры килгән ял көне икенче эш көненә күчерелми. Шулай итеп, ноябрьдә төбәк халкы өч көн рәттән ял итәчәк.
«4, 5 һәм 6 ноябрьдә ял итәбез. 3 ноябрьдә кыскартылган эш көне була», -  дип Татарстан Хезмәт, халыкны эш белән тәэмин итү һәм социаль яклау министрлыгы матбугат хезмәтендә әйтеләр.