Орфографик сүзлек кирәк (видео)

Татарстан Фәннәр академиясенең Кече залында, халыкара туган телләр көне уңаеннан, татар лексикографиясенең актуаль мәсьәләләренә багышланган “түгәрәк өстәл” оештырылды. Г. Ибраһимов исемендәге Тел, әдәбият һәм сәнгать институты  (ТӘһСИ) оештырган чарада ТР Президенты Аппараты, Дәүләт Советы, Казан, Чаллы шәһәрләре җаваплы хезмәткәрләре, Татарстан китап нәшрияты, газета-журнал вәкилләре катнашты.
Сөйләшү барышында яңа сүзлекләр төзү, тәгаен алганда, орфографик сүзлек нәшер итү, тәрҗемәчеләр әзерләү зарурлыгы күтәрелде. Бу җәһәтттә ТӘһСИ яңа гына нәшер иткән, 80 мең сүз тупланган ике томлык русча-татарча сүзлеккә зур бәя бирелде. Сөйләшү тәмамланганнан соң, телчеләр алдында торган мөһим бурычлар хакында институтның лексикография бүлеге мөдире Ринат Сәфәров белән әңгәмә кордык.

Рәшит МИНҺАҖ

-A