Оятсызлык: Татарстанның бер районында почта эшчесе пенсионерларның акчасын урлап яткан

Буа районында почта бүлекчәсе начальнигы пенсионерларның пенсиясен үзләштергән. Район эчке эшләр бүлегеннән алынган мәгълүматларга караганда, полициягә әлеге кырын эш хакында узган айда билгеле булган.

Райондагы авылларның берсендә почта бүлекчәсе начальнигы авылдашларының  478 мең сумнан күбрәк пенсиясен һәм субсидиясен  үзләштергән, дип яза Байрак.

Хәзерге көндә тикшерү бара.

Матбугат.ру