Питрау батыры билгеле

Мамадыш районында Питрау-2019 абсолют батыры ачыкланды.
21 нче июль көнне Мамадыш районы Җөри авылында узган XX республикакүләм «Питрау» керәшен мәдәнияте фестивалендә көрәшчеләр көч сынашты. Тырлау аланында киеренке көрәш иртәнге өчкә кадәр дәвам итте.
Җиңүче булып Теләче районы данын яклап чыгыш ясаган Муса Галләмов танылды. Абсолют батырга тәкә тапшырылды.