Россия буенча 5 меңләп кеше ике предметтан мәҗбүри БДИны тапшыра алмады

Быелгы күрсәткечләр узган елдагыга караганда яхшырак. 2013 елда математика һәм рус теленнән бердәм дәүләт имтиханын 6500 дән артык кеше бирә алмаган иде. Бу хакта РФ Мәгариф һәм фән министрлыгында хәбәр иттеләр, дип яза ИТАР-ТАСС.

2014 елда 80нән 100гә кадәр балл җыючылар саны да кимегән. Узган ел аларның саны 180 меңнән артып киткән. Быел исә - бары тик 110 меңнән артыграк.

100 балл җыючылар да кискен кимегән. 2013 елда 9 меңнән артык укучы югары балл алса, быел исә - 3500 кеше генә.