Салават Фәтхетдинов тел мәсьәләсе хакында: «Мин моның турында 29 ел кычкырам»

«Татар моңы» бәйгесенә багышланган матбугат конференциясендә Салават Фәтхетдинов Татарстандагы бүгенге вазгыятькә карашын белдерде. «Туган тел»не чыгып җырлау паравозга каршы сәнәк күтәрү белән бер», – диде җырчы. Аның фикеренчә, татар телен саклап калу өчен тирәнтен эшләү кирәк. Журналистларның  «социаль челтәрләрдә телне саклап калуга өндәп чыгыш ясадыгызмы?»,- дигән соравына Салават Фәтхетдинов: «Мин бу хакта 29 ел кычкырам», – диде.

«Мин авылдан Чаллыга килгәндә, автобуста «Говори на человеческом языке», - дип әйттеләр. Ул вакытта чаллылылар телнең бетүенә юл куймады. Хәзер инде 90 нчы еллардагы кебек кенә булмас. Моң турында әйтеп тә торасы юк, телне саклап калсак иде. Моңа кадәр Татарстан мәктәпләрендә татар телен укытмау соравы туыр дип уйламаган да идем», –дип белдерде җырчы.