Шәле мәктәбеннән рәхмәт хаты килде

Редакциябезгә Питрәч районының Шәле мәктәбеннән рәхмәт хаты килеп төште. Аларның җылы сүзләре, хезмәтебезне югары бәяләүләре безне бик нык сөендерде.

«Сезнең инициатива белән оештырылган «Интернет – укытучыларга» дигән укулар Сафин Фәйзрахман Әхмәтҗанович исемендәге  Шәле урта гомуми белем бирү мәктәбендә дә булып үтте. Укытучылар бу укулардан бик канәгать булып калдылар. Алар үзләренә үзенчәлекле, кирәкле нәрсәләр алдылар. Хәзер аларны һәрдаим дәресләрдә кулланалар.

Оештыручыларга зур рәхмәтебезне белдерәбез. Данил әфәнде бик аңлаешлы, әйбәт, дәлилле аңлатты. Укытучылар аны аеруча яраттылар.Барыгызга да  иҗади уңышлар, саулык – сәламәтлек, бәхет теләп калабыз».