Татарстанда төнлә -20 градуска кадәр суыта

Татарстан Гидрометеорология һәм әйләнә-тирә мохитне күзәтү идарәсе мәгълүматы буенча, иртәгә республикада алмашынучан болытлы һава торышы, явым-төшемсез булачак.

Синоптиклар фаразлавынча, һава температурасы төнлә -9..-14, көнчыгыш районнарда аязган вакытта -15..-20 градус булуы ихтимал. Көндез температура -7..-12, көнчыгышта -14 градуска җитә ала. Юлларда бозлавык.