Татарстанда урман үсемлекләре орлыклары яңартыла

Барлыгы өстәмә рәвештә 50 килограмм орлык әзерләү планлаштырыла.

Исегезгә төшерик: мондый фондларга корткычлар белән зарарланмаган һәм патоген микрофлорасы булмаган, башлыча даими урман-орлык базасы объектларында, югары продуктив утыртмаларда әзерләнгән, үсеш алу энергиясе югары күрсәткечләргә ия 1 нче класс сыйфатына караган орлыклар салына. Бу хакта Татарстан Урман хуҗалыгы министрлыгы хәбәр итте.

Татарстан Республикасы урман үсемлекләре орлыкларының иминият фонды Саба муниципаль районының Лесхоз бистәсендә урнашкан. Хәзерге вакытта фондта 362 кг ылыслы токым орлыгы бар, шул исәптән 178 кг – нарат, 179 кг – чыршы, 5 кг – карагай орлыгы.

Автор фотосы