«Татмедиа» вәкилләре Гаспринский музеенда. (Фоторепортаж)

«Татмедиа» акционерлык җәмгыяте вәкилләре Кырымның Бахчасарай шәһәрендә урнашкан И.Гаспринскийның мемориаль музеенда булдылар. Әлеге музей элекке «Тәрҗеман» газетасы редакциясе булган бинада урнашкан.
Татарстанлылар музейга бүләк буларак «Татарлар тарихы» китабының 7 томын һәм «Татар дөньясы» китабын тапшырды. Ә музей хезмәткәрләре, үз чиратында, җирле фондка Татарстан Республикасыннан тарихи һәм лингвистик китаплар, журналлар җибәрүләрен сорап мөрәҗәгать иттеләр.
Сүз уңаеннан, күптән түгел «Мәгариф» журналында «Реформатор Исмаил Гаспринский и его любовь к Зухре» язмасы чыкты. Анда сүз нәкъ менә әлеге музей, И.Гаспринский үзе, аның тормышы һәм эшчәнлеге турында бара.

Диләрә Батршина
Фото: Сөмбел Таишева