Төньяк Осетиядә гомер итүче татарлар очраша

23 января 2024 Мөршидә КЫЯМОВА

Очрашуда 2023 елга нәтиҗәләр ясалачак һәм 2024 елга планнар билгеләнәчәк.

Бүген Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Төньяк Осетия Республикасында Төньяк Кавказ Федераль округына кергән татар иҗтимагый оешмалары җитәкчеләре һәм активы белән утырыш уздыра.

Очрашуда 2023 елга нәтиҗәләр ясалачак һәм 2024 елга планнар билгеләнәчәк, дип хәбәр итә Бөтендөнья татар конгрессының рәсми сайты.

Исегезгә төшерәбез: 2024 елны Бөтендөнья татар конгрессы «Шәхесләр елы» дип игълан итте. Ә Россия Президенты тарафыннан илдә «Гаилә елы» билгеләнде. Шул уңайдан Татарстанда ел дәвамында шәхесләрне һәм үрнәк гаиләләрне барлау буенча күптөрле чаралар узачак.

Автор фотосы