Яшь татарстанлылар Сочида республика данын яклый

Татарстаннан җиде студент Сочида үтүче “Киләчәк укытучысы. Студентлар” конкурсының финалына үткән. Конкурс “Россия – мөмкинлекләр иле” президент платформасы тарафыннан чынга ашырыла, дип хәбәр итә Татар-информ.
Катнашучылар берничә блокка бүленгән биремнәрне үтәячәк: компетенцияләрне һәм күнекмәләрне бәяләү, тәрбия чарасы проекты һәм «Киләчәк мәктәбе» стратегик уены.
Финалистлар Бөтенроссия балалар үзәкләрендә («Артек», «Океан», «Орленок», «Смена») стажировка уза, шулай ук «Сириус» мәгариф үзәгендә куратор була алачак.
Белешмә. «Киләчәк укытучысы. Студентлар "Һәркем өчен социаль лифтлар" федераль проектының бер өлеше булып тора һәм "Мәгариф" милли проекты структурасына керә. Конкурста мәгариф өлкәсендә эшләргә җыенган 3 курстан да ким булмаган студентлар катнаша ала.

Диләрә БАТРШИНА