Саннарны гомумиләштереп кабатлау

17 мая 2016 Мәгариф

(VI cыйныфның татар төркемендә электрон дәреслек кулланып үткәрелгән дәрес эшкәртмәсе)Гөлнар ХӘЙРУЛЛИНА,Балтач урта мәктәбенең югары категорияле татар теле һәм әдәбияты укытучысы, дәреслек авторыРузия...

(VI cыйныфның татар төркемендә электрон дәреслек кулланып үткәрелгән дәрес эшкәртмәсе)

Гөлнар ХӘЙРУЛЛИНА,

Балтач урта мәктәбенең югары категорияле татар теле һәм әдәбияты укытучысы, дәреслек авторы

Рузия ГАРӘПШИНА,

Г.Тукай исемендәге Арча педагогия көллиятенең югары категорияле татар теле һәм әдәбияты укытучысы, дәреслек авторы

Дәреснең технологик картасы

Максат	1) сан сүз төркеме турында өйрәнгәннәрне системага салу; язма һәм телдән сөйләмдә саннарны грамоталы куллана белү, саннарга морфологик анализ ясауны ныгыту. 2) иҗади фикерләргә, белемне башкалар белән уртаклашырга өйрәтү, күзәтү, хәтерләү, игътибар итү сәләтен үстерү. 3) туган телгә мәхәббәт, бер-берсенә ихтирамлылык, игътибарлылык, К. Насыйри иҗатына хөрмәт, үз сәламәтлегеңә сак караш тәрбияләү.
Планлаштырылган нәтиҗәләр	Сүз төркеме буларак, саннарны таный, куллана һәм аларга морфологик анализ ясый белү,
Дәреснең тибы	Белем һәм күнекмәләрне актуальләштерү дәресе.
Төп төшенчәләр	Сан, мөстәкыйль сүз төркеме, морфологик анализ
Предметара бәйләнеш	Әдәбият, рус теле, математика.
Эшне оештыру төрләре	Фронталь, индивидуаль, төркемнәрдә эшләү
Материал һәм җиһазлау	Дәреслек (Татар теле: рус телендә төп гомуми белем бирү оешмалары өчен дәреслек (татар телен туган тел буларак өйрәнүче укучылар өчен) 6 нчы с-ф / Р.К.Сәгъдиева, Р.М.Гарәпшина, Г.И.Хәйруллина. ‒ Казан: «Мәгариф‒Вакыт» нәшр., 2015. – 191 б.), электрон дәреслек, карточкалар, күнегүләр җыентыгы, презентация).
Дәрес этаплары	Укытучы эшчәнлеге	Укучы эшчәнлеге	Универсаль уку гамәлләре (УУГ)
Оештыру, мотивлаштыру	Исәнләшү. Уңай психологик халәт тудыру	Исәнләшү. Дәрескә әзер икәнлекләрен күрсәтү	Коммуникатив: классташлар һәм укытучы белән уку эшчәнлеген оештыруда хезмәттәшлек итү
Дәрескә максат һәм бурычлар кую. Укучыларның уку эшчәнлеген мотивлаштыру.	Слайдтагы шигырь-табышмакны уку Проблемалы сорау кую. Дәреснең темасын һәм максатын хәбәр итү: саннар гарәп һәм рим цифрлары белән язылырга мөмкин, һәм аларны дөрес итеп уку һәм язу кагыйдәләре дә бар икән	Табышмакның җавабын табалар, дәрес темасын билгелиләр. Укучылар К.Насыйринең кем икәнлеген әйтәләр. Сан дәресе белән бәйләнешне ачыклыйлар	Танып-белү: үзеңнең белем системасында ориентлаша белү
Белемнәрне гомумиләштерү һәм системалаштыру	1. Таблица буенча эшне аңлату. 2. 193 нче күнегүнең биремен укыту. 3. «Табышмак әйтәм – тап» уены	1. Таблица буенча саннарның дөрес язылышын һәм ясалышын искә төшерәләр. 2. Табышмакны уку, җавабын табу (чана, арба, ат), саннарга морфологик анализ ясау. 3. Телдән табышмакларга җавапларны табалар	Регулятив: кагыйдә, күрсәтмәләрне истә тоту һәм аларга ияреп гамәлләр кылу
Белем һәм осталыкларны яңа ситуациядә куллану	1. 194 нче күнегүнең биремен аңлату	1. Күнегүнең биремнәрен эшләү	Коммуникатив: үз фикереңне тулы һәм төгәл итеп әйтү белү; Танып-белү: фикерләүдә логик чылбыр төзү
	2. 195 нче күнегүнең биремен аңлату, җавапларны тикшерү	2 Саннарны дөрес итеп уку, алар белән җөмләләр уйлап язу
	3. 196 нчы күнегүнең үтәлешен тикшерү	3. «Артык» рәтне билгеләү
Электрон дәреслек буенча динамик пауза (ял минуты)
Белемне үзләштерү дәрәҗәсен ачыклау	1) 197 нче күнегүнең үтәлешен күзәтү; әхлак сыйфатлары хакында әңгәмә үткәрү; 2) электрон дәреслектәге тестны башкару турында күрсәтмә бирү; 3) тәрҗемә эшенә кхрсәтмә бирү	1) шигырьне сәнгатьле итеп уку, сүзлеккә игътибар итү, телдән саннарга морфологик анализ ясау; фикер алышуда катнашу; электрон дәреслектән сүзлек диктантын язу, тикшерү, бәяләү; 2) тест башкару; 3) рецептны татарчага гына тәрҗемә итәләр	Коммуникатив: ишетә һәм тыңлый белү күнекмәләре формалаштыру, фикерләү сәләтен үстерү; Регулятив: кагыйдә, күрсәтмәләрне истә тоту һәм аларга ияреп гамәлләр кылу
Өйгә эш бирү	198 нче күнегүнең биремен аңлату	Проект эше башкару	Шәхси: үз мөмкинлекләреңне белү-белмәү чикләрен чамалау
Рефлексия	Эшчәнлеккә нәтиҗә ясау	– Нәрсәне белә идем? – Нәрсә яңалык булды? Билгеләр кую