Сабан туенда дөя чабышы

XIII Бөтенроссия авыл Сабан туенда дөяләр чабышы узды. Биредә яшәүчеләр әйтүенчә, дөя чабышы традициясе Әстерхан өлкәсендә 90 нчы еллар башында ук барлыкка килгән. Төбәк дәрәҗәсендә ярышлар 2000 елдан бирле үткәрелә. "Дөяләр – үзсүзле хайван һәм аны чабарга мәҗбүр итәр өчен махсус осталык кирәк, " –ди әстерханлылар.

2000 метр дистанциягә чабышта Әстерхан өлкәсенең районнарыннан һәм Калмыкия Республикасыннан 18 җайдак катнашты. Ике чабыш нәтиҗәләре буенча финалга 10 кеше чыкты.

100 мең сумлык төп бүләкне Калмыкия Республикасыннан Лада исемле дөясе белән Дамир Дюсенбаев яулады.