Татарстанлыларны экологик юнәлешле конкурсларда катнашырга чакыралар

Климат куркынычсызлыгы фонды « Климатның  үзгәрүе балалар күзлегеннән - 2023» II халыкара балалар экология форумын үткәрә.
II халыкара балалар экология форумының максаты - экологик белем һәм мәдәниятне үстерү, балаларның һәм яшүсмерләрнең иҗади һәм волонтёр эшчәнлегендә катнашуын бүләкләү.
Форумда 3 яшьтән 17 яшькә кадәрге балалар катнаша ала. Катнашучыларның иҗат һәм креатив  караш белән әйләнә-тирә мохитне саклау буенча үз идеяләре белән уртаклашу мөмкинлеге бар. Проект алты номинация буенча уздырыла. Номинацияләр экологик культураны формалаштыру һәм «Экология» өстенлекле илкүләм  проектын нәтиҗәле гамәлгә ашыруга өлеш кертә алган перспектив проектларны ачыклау өлкәсендәге кайбер бурычларны чагылдыра. Шәхси эшләрне a.krel@climatesecurity.org электрон почтасына 2023 елның 15 сентябренә кадәр җибәрергә мөмкин.
https://экологиядеждого.рф/сылтамасы буенча мәгълүмат белән җентекләбрәк танышырга мөмкин.