Әтнә укытучысы Республика көненә видеокотлау әзерләгән

Әтнә җире иҗади шәхесләргә, язучыларга, бөек шагыйрьләргә гаять бай. Яраткан шагыйребез Сибгат Хәким дә Әтнә районының Күлле Киме авылыннан бит. Аның иҗатын яратмаган татар мәктәбе укучысы юктыр, китаплары бүген дә китапханәләрдә кадерләп саклана, укыла, дәресләрдә актив файдаланыла.  Күәм авылы урта мәктәбенең татар теле һәм әдәбияты укытучысы Алия Садриева олпат якташының «Бу кырлар, бу үзәннәрдә» шигырен укый. Республика көне уңаеннан  бәйрәм котлавы булсын, ди ул.