"Авыл укытучысы" конкурсы һәр этапта шаккаттырды"

"Авыл укытучысы — 2019" конкурсы җиңүчеләрен искә төшерүне дәвам итәбез.  “Тема тирәнлеге өчен” номинациясендә җиңү яулаган Сәйфуллина Мөнирә Мөнир кызы Әлмәт районы Миңлебай урта мәктәбендә математика укыта. Укытучы конкурска бәйле хис-кичерешләре турында сөйләде. 
– Әлеге конкурс һәр этапта мине шаккаттырды. Казандагы данлыклы гимназиядә дәрес бирү мөмкинлеге, компетентлы комиссия, җиңүчеләрне Дәүләт Советына чакырып бүләкләү – болар барысы да югары дәрәҗәдә оештырылган иде.
Авыллар бетә, мәктәпләр ябыла дибез. Менә шундый авыр чорда «Мәгариф» журналы үз юнәлешен бәйгенең исемендә үк «Авыл укытучысы» дип ассызыклап, авыл җирлекләрендә эшләүче мөгаллимнәрнең абруе сагына басты. Быел да әлеге бәйгедә катнашырга уйлыйм, хезмәттәшләремә дә киңәш иттем, - диде Мөнирә Мөнир кызы.
"Авыл укытучысы - 2020" конкурсы нигезләмәсе