Казан китапханәләр башкаласы итеп сайланды

27 мая 2024 Мәгариф

19 майдан 24 майга кадәр Россиянең китапханә башкаласында Бөтенроссия китапханә конгрессы, Россия китапханә ассоциациясенең ел саен уздырыла торган XXVIII конференциясе узды. Чараның төп темасы – «Күпполяр дөньяда китапханә».

Конгресс кысаларында Казан шәһәре М.И. Мәхмүтов исемендәге 184 нче гимназиясендә мәктәп китапханәләре секцияләр утырышы булды. Әлеге секция эшендә Россиянең 16 төбәгеннән 47 кеше катнашты. Чараның төп спикерлары: «Россия Мәгариф министрлыгы академиясе» өстәмә һөнәри белем бирү ФДАМУ эксперты, рус дөньясының мәктәп китапханәчеләре ассоциациясе президенты Татьяна Жукова, Татарстан Республикасы Мәгариф һәм фән министрлыгының укыту-методик озата бару секторы мөдире Ләйсән Гайфуллина, «Чиләбе мәгариф хезмәткәрләрен яңадан әзерләү һәм квалификацияләрен күтәрү институты» ДБУнең төбәк мәгълүмат-методика үзәге мөдире, рус дөньясындагы мәктәп китапханәчеләре ассоциациясе вице-президенты Елена Качева һәм башкалар катнашты. Шулай ук Казандагы 177 нче лицейның китапханәсе мөдире Галия Нурахаевнаның хезмәттәшләре белән эш тәҗрибәсе белән уртаклашты. Бу хакта ТР Мәгариф һәм фән министрлыгының матбугат хезмәте хәбәр итә.

«Татарстан Республикасы мәгарифен үстерү институты» өстәмә һөнәри белем бирү дәүләт мәгариф учреждениесенең китапханә-мәгълүмат бүлеге башлыгы Елена Хаҗиева рус дөньясындагы мәктәп китапханәләре ассоциациясенең төбәк вәкиле итеп сайланды.