Мәскәүдә X «Фәхретдин укулары» Бөтенроссия фәнни-гамәли конференциясе уза

Ул мәгърифәтче, мөфти Риза Фәхретдиннең тууына 165 ел тулуга багышлана. Быелгы Фәхретдин укулары "Җәмгыятьне агарту һәм тәрбияләүдә дин әһелләренең роле" темасын үзәккә ала. Чыгыш ясаучылар арасында Идел буе мөселманнары Диния нәзарәте рәисе Мөкаддәс мөфти Бибарсов, Түбән Новгород өлкәсе мөселманнары Диния нәзарәте голәмәләр шурасы рәисе, Мөнир казый Беюсов, фәлсәфә фәннәре докторы, Россия дәүләт хокук университетының Казан филиалы профессоры Айдар Юзиев һ.б.  катнаша.  Пленар утырыштан соң  аралашу сессияләрдә дәвам итәчәк. Кызыклы чыгышлар, фикер алышулар турында үзебезнең басмаларда да язып чыгачакбыз.

Автор фотолары