"Мәгариф" журналының яңа баш мөхәррире итеп Сөмбел Таишева билгеләнде

Бүген "Татмедиа" АҖ филиалы - "Мәгариф" журналы редакциясенең яңа директоры - баш мөхәррире вазыйфаларын башкаручы итеп Сөмбел Нурислам кызы Таишева билгеләнде. Яңа баш мөхәррирне "Мәгариф" һәм "Гаилә һәм мәктәп" журналлары коллективына "Татмедиа" АҖ генераль директоры Андрей Кузьмин, аның киңәшчесе Равил Фәйзуллин  тәкъдим итте, уңышлар теләде. Сөмбел Таишева бер үк вакытта "Татмедиа" акционерлык җәмгыяте генераль директорының корпоратив үсеш урынбасары да булып калачак. 

"Мәгариф" журналы редакциясен  моңа кадәр җитәкләгән директор - баш мөхәррире Илдар Флүс улы Миргалимов моннан бер ай чамасы элек "Татмедиа" Республика матбугат һәм массакүләм коммуникацияләр агентлыгы җитәкчесе урынбасары итеп билгелән иде.