Татарстанда атна ахырында юеш кар яварга мөмкин

22 октября 2024 Мәгариф

Бүген республикада аязучан болытлы, кайбер районнарда төнлә һәм иртән томанлы һава торышы көтелә. Көндез урыны белән бераз яңгыр явачак, җил секундына 15 метрга кадәр көчәячәк. Төнге температура 0..+5 градус булачак, ә көндез +9..+14 градуска кадәр күтәреләчәк.

23 октябрьдә урыны белән бераз яңгыр явачак. Төнлә температура +3..+8 градус, ә көндез +8..+13 градус булачак.

Пәнҗешәмбе көнне, 24 октябрьдә, Татарстан территориясе атмосфера фронтлары зонасында булачак – бөтен җирдә яңгырлар явачак. Көнбатыштан көчле җил, аның тизлеге секундына 15-18 метрга кадәр җитәр, дип фаразлана. Төнлә температура +3..+8 градуслар чигендә, көндез +6 дан +11 градуска кадәр җылы булачак.

ТР Гидрометеорология үзәге фаразлавынча, 25 һәм 26 октябрьдә яңгыр, урыны белән юеш кар явачак. Төнлә 0..+5 градуска кадәр суыта, ә көндез термометр баганалары +2..+7 градуска кадәр күтәреләчәк.

Казан Мэриясе сайты материаллары буенча