Татарстанда БДИның өстәмә чоры башланды

04 сентября 2025 Мәгариф

4 сентябрьдә 11 нче сыйныфны тәмамлаучылар өчен Дәүләт йомгаклау аттестациясенең өстәмә чоры башлана. Бу хакта ТР Мәгариф һәм фән министрлыгы хәбәр итә.

Өстәмә срокларда БДИны төп чорда узмаган һәм аттестат алмаган чыгарылыш укучылары тапшыра алачак.

Татарстан Республикасында имтиханнар уздыру пунктлары Казанда ачылачак. Кабат тапшыруга агымдагы елдагы 29 чыгарылыш сыйныф укучысы кертелгән.

4 сентябрьдә рус теленнән БДИ, 8 сентябрьдә база дәрәҗәсендәге математикадан БДИ узачак. 23 сентябрьдә расписаниедә бу ике фән буенча да имтиханнар тапшыру өчен резерв көн каралган.

Фото: ТР Мәгариф һәм фән министрлыгы сайты