Васил Шәйхразыев: XXIV Федераль Сабантуй Йошкар-Олада уздырылачак

«XIV Бөтенроссия авыл Сабан туе Барда авылында узачак. XXIV Федераль Сабантуй Марий Эл Республикасы башкаласы Йошкар-Олада уздырылачак. Алтай Республикасында «Төрки Сабантуй», Омск өлкәсендә Иртыш буе Халыкара Сабан туе оештыралачак», – диде Милли Шура рәисе Васил Шәйхразыев.

2025 елда Бөтенроссия авыл Сабан туен июньнең икенче яртысында уздыру планлаштырыла. Киров өлкәсе губернаторы милли бәйрәмнең яшьләр көненә туры киләчәген сөйләде һәм яшьләрне күбрәк җәлеп итәргә кирәклеген билгеләп үтте.

Быел XIV Бөтенроссия авыл Сабан туе Пермь краеның Барда авылында 14–15 июнь көннәрендә узачак. Баш батырга Татарстан Рәисе бүләге – автомобиль.

Таңсылу Габидуллина