Рөстәм Минниханов ярдәмчесе Ләйлә Фазлыева вице-премьер булып билгеләнде

Татарстан Дәүләт советы депутлары премьер-министр урынбасары вазифасына Ләйлә Фазлыева кандидатурасын хуплады. Бүген ТР Дәүләт советының 35 нче утырышында әлеге мәсьәлә дә каралды. 

Ләйлә Фазлыева Президент Рөстәм Миңнеханов тарафыннан Татарстан Премьер-министры урынбасары вазифасына тәкъдим ителде.

Ләйлә Ринатовна Президент ярдәмчесе вазифасында социаль мәсьәләләр өчен җаваплы булды, сәламәтлек саклау, социаль яклау, пенсия белән тәэминат кебек юнәлешләрне контрольдә тотты.

Искәртик, бүген Президент Министрлар кабинеты составында тагын бер ТР Премьер-министры урынбасары вазифасын булдыру турында Указ имзалады.

Депутатлар Ләйлә Фазлыева кандидатурасын хупллап чыктылар.