24 майда Казан Кремле музейларына бушлай кереп булачак

24 майда Казан Кремленең барлык музейларына да бушлай кереп булачак.

Өч музей – «Эрмитаж-Казан» үзәге, Татарстанның Табигать тарихы музее һәм «Манеж» күргәзмәләр залы – кунакларны сеанслар буенча кабул итәчәк. Эш режимы һәм сеанслар графигы «Казан Кремле» музей-тыюлыгының рәсми сайтында урнаштырылган.

«Эрмитаж-Казан» үзәгендә Татарстан башкаласында беренче тапкыр тәкъдим ителгән Чечен Республикасы музее коллекцияләреннән экспонатларны күрергә мөмкин булачак.

Музейларга бушлай керү көне, гадәттәгечә, айның беренче сишәмбесендә үтә. Май аенда акция 3 числода булырга тиеш иде, әмма аны соңрак вакытка күчерделәр, дип хәбәр итә музей-тыюлыкның матбугат хезмәте.

«Татар-информ» мәгълүматлары буенча

Фото: https://travel-or-die.ru

Добавить комментарий

Ваш адрес email не будет опубликован.