«Игелекле эшләр көне» фонды балалар өчен агачтан ясау сәнгате буенча мастер-класс оештыра

«Игелекле эшләр көне» хәйрия фонды Мәскәүдәге «Абилимпикс» милли чемпионаты финалисты Александр Казаков белән берлектә Казанда 10 яшьтән өлкәнрәк балалар өчен агачтан ясау сәнгате буенча бушлай мастер-класс оештыра.

Александр Казаков кулында агач эшләнмәләр шедеврларга әверелә, ул барлык агач токымнары – юкә, усак, нарат, чыршы, каен һәм хәтта алмагач белән эшли. Башлангыч белемнәрен мастер агачка уеп бизәк төшерү түгәрәгендә алган, аннары столяр-мебель җыючы һөнәренә укыган, ә хәзер аның үз остаханәсе бар.

Александр Казаков материал белән эшләүнең үзенчәлекләре турында сөйләячәк, мастер-класста катнашучылар яңа ел бизәкләре, чыршы яки агачтан уенчык ясый алачак.

Мастер-класс 17-нче декабрь көнне 15:00 сәгатьтән 16:30 сәгатькә кадәр Калинин урамы, 3 адресы буенча «Игелекле эшләр көне» фонды остаханәсендә узачак. Алдан язылу өчен телефон: +7(843)236-65-61. Урыннар саны чикләнгән, дип хәбәр иттеләр фондта.

Чыганак: Казан мэриясе

Добавить комментарий

Ваш адрес email не будет опубликован.