Казан мәктәпләре ашханәләре ресторан форматында

Казан шәһәренең 113 мәктәбендә ашханәләр мәктәп рестораны форматында эшли башлаган.
«Бүгенге көндә мәктәп рестораны форматы 169 муниципаль мәктәпнең 113ендә гамәлгә кертелде, ә аларда утырту урыннары 6,5 меңгә артты», – дип хәбәр итә Казан шәһәре мэриясе матбугат хезмәте.
Быел җәй Казанда 43 мәктәптә ашханәләр ремонтланган. Моның өчен республика бюджетыннан 297,4 млн сум бүлеп бирелгән. Нәтиҗәдә мәктәп ашханәләрендә буфет, диван, декоратив элементлар барлыкка килгән. Менюда барлыгы 245 төр ризык исәпләнә, дип хәбәр итә ТАСС.

Диләрә БАТРШИНА