Казанда Роберт Миңнуллин истәлеген мәңгеләштерәчәкләр

Казанда Татарстан Республикасының халык шагыйре, Г.Тукай исемендәге ТР Дәүләт премиясе лауреаты Роберт Миңнуллин истәлегенә мемориаль такта куелачак.
Ул шагыйрь яшәгән Толстой урамындагы 16а номерлы торак йорт фасадында урнаштырылачак. Тиешле карарны                   ТР Премьер-министры Алексей Песошин имзалады.
Роберт Миңнуллин истәлеген мәңгеләштерергә ТР Мәдәният министрлыгы һәм ТР Язучылар берлеге тәкъдим иткән, дип хәбәр ителә Казан шәһәре мэриясе сайтында.

Фото: http://saby-rt.ru