Киштәдә яңа китап: «Гомер калейдоскобы»

70тән артык татар, рус һәм чит ил әдипләренең, дәүләт, җәмәгать эшлеклеләренең аның турындагы чыгышлары, мәкаләләре; шагыйрьнең үз шигырьләре, эссе-хатирәләре; замандашларының аңа багышланган кече күләмле әсәрләре, истәлек язмалары; 500 дән артык фоторәсем һәм аларга белешмә-аңлатмалар... Халык шагыйре Равил ага Фәйзуллинның “Гомер калейдоскобы” “Калейдоскоп жизни” китабының саллылыгын күзаллау өчен болар.  Ярты гасырдан артык республика, бөтенсоюз, гомум Россия күләмендәге әдәби-иҗтимагый тормышның үзәгендә кайнаган шәхес – шагыйрь, публицист, галим турында гына түгел, Равил Фәйзуллинлы тулы бер чор рухы хакындарыр мөгаен әлеге китап.

Юкка гына тышлыктан ук сүз вакыт хакында башланмагандыр:

Алай үтелгән

                      вакыт...

Болай үтелгән

                          вакыт...

Яшәп үтелгән

                         вакыт,

Яшьнәп үтелгән

                          вакыт,

бүтәннәр

           бәхете өчен

сарыф ителгән

                       вакыт!

Әдипнең китап чыгу шатлыгын  “Мәгариф”леләр беренчеләрдән булып уртаклашты, ә инде сүз үзеннән-үзе әнә шул шигърият юлыннан узучы гомер хакында.