Курчак театры үз тамашачылары өчен Театр мәктәбе ача

«Әкият» Татар дәүләт курчак театры «Яшь театраллар мәктәбе» ача. 

Театрның яңа мәгърифәти-мәдәни проекты Театр елы уңаеннан оештырыла. Ул февраль аеннан старт ала. Проект тамашачыларны курчак театры сәнгатенә якынайту максатыннан оештырыла? Бу хакта «Татар-информ» агентлыгы хәбәр итә.

Кастингта 5 — 14 яшьлек балалар катнаша ала. Алар «Яшь театраллар мәктәбе»ндә ике яки өч төркемгә бүленеп шөгыльләнәчәкләр. Театр «үзенчәлекле» балаларның да катнашачагына өметләнә. Алар өчен проект кысаларында инклюзив төркем төзү күздә тотыла.

Хәзерге вакытта театр гаризалар кабул итә. Яшь театралларның дәресләре түләүсез.

 

 

Добавить комментарий

Ваш адрес email не будет опубликован.