Никита Михалков Россия тарихын беренче сыйныфтан ук укытуны тәкъдим иткән

РФ Кинематографистлар берлеге рәисе Никита Михалков, Россия тарихын мәктәпләрдә беренче сыйныфтан  ук укыта башларга   кирәк, дип белдергән. Ул бу фикерне РФ мәгариф министры Сергей Кравцов катнашындагы Мәскәү дәүләт педагогика университетында (МПГУ) студентлар һәм педагогик бергәлекләр белән очрашуда әйткән.

«Мин үз илемнең тарихын беренче сыйныфтан башларга кирәк дип саныйм. Әлбәттә, бу билгеле бер форма, нечкәлек таләп итә, һәм аны патриотизм дәресләре дип атарга кирәкми.  Җәмгыятьне «көчле тамыр системасы»булганда, берни дә куркыныч булмаган агач белән чагыштырырга була. Җәмгыятькә мондый системаны куллануда «тәрбия, белем бирү һәм халык белән хакимият арасындагы мөнәсәбәт, нинди законнар буенча бергә яшәү » нең роле зур», — дигән режиссёр.

Сергей Кравцов та балаларга һәм үсмерләргә тарихи дөреслекне җиткерү мөһимлеген ассызыклап үткән. Аның сүзләренә караганда, сүз, шул исәптән, Донбасста һәм Украинадагы хәлләр турында да бара.

Таңсылу ГАБИДУЛЛИНА

Добавить комментарий

Ваш адрес email не будет опубликован.