Эшсез яшьләрне эш белән тәэмин итәчәкләр
Бу көннәрдә Казанда уза торган KazanSummit – 2018 халыкара икътисадый форум кысаларында эшләгән Яшь эшмәкәрләрнең IV Казан форумында катнашучылар журналистлар белән очрашты. Дөньяда яшьләр арасында эш...
Бу көннәрдә Казанда уза торган KazanSummit – 2018 халыкара икътисадый форум кысаларында эшләгән Яшь эшмәкәрләрнең IV Казан форумында катнашучылар журналистлар белән очрашты. Дөньяда яшьләр арасында эшсезләр күләме 6,7 % булса, ОИСка (Ислам хезмәттәшлеге оешмалары) кергән илләрдә бу сан 12,8 % тәшкил итә. ОИС Яшьләр форумы халыкара проектлар департаменты директоры Әхмәт Халит Хатип хәбәр иткәнчә, форум кысаларында күрсәтелгән стартаплар эшчәнлеген җәелдерү буенча эш дәвам иттереләчәк: яшь эшмәкәрләр өчен онлайн белем бирү платформасы булдырылачак. Җитәрлек белем һәм тәҗрибә туплаганнан соң, алар мәшгуль булмаган яшьләрне эш белән тәэмин итү мөмкинлеге алачак.
«Бу – кул җитмәслек хыял түгел, – дип белдерде спикер. – Ә Татарстан җитәкчелеге ярдәме белән тиз арада уңышлы эшләп китәчәк проект».
Комментарийлар