Мөслимдә IV республикакүләм “Фоат Садриев укулары” бара

Бүген Мөслимдә чираттагы IV республикакүләм “Фоат Садриев укулары” уздырыла.

Укуларның максаты Мөслим төбәге әдипләре, күренекле шәхесләренең иҗатын өйрәнү һәм пропагандалау. Әлеге укулар “ТАТМЕДИА” ачык акционерлык җәмгыяте филиалы “Мәгариф” журналы, Мөслим муниципаль районының мәгариф идарәсе  һәм Татарстан Республикасы Язучылар берлеге белән берлектә үткәрелә.

 Укуларда республиканың төрле районнарыннан килгән 80 нән артык укучы һәм укытучы, республикабызның төрле районнарыннан 20 делегат катнаша. Җиңүчеләргә һәм барлык катнашучыларга “Мәгариф” журналы,  Татарстан Республикасы Язучылар берлеге һәм Мөслим муниципаль районы мәгариф идарәсе  белән берлектә әзерләнгән дипломнар, сертификатлар тапшырылачак.