21 ноябрь 2024 яңалыклары
-
Роберт Миңнуллинның кабаттан басылган китапларын киң җәмәгатьчелеккә тәкъдим ителде
Кичә Татарстан Республикасы халык шагыйре Роберт Миңнуллинның кабаттан басылган китапларын киң җәмәгатьчелеккә тәкъдим итү кичәсе узды. Әлеге басмалар: «Энекәш кирәк миңа!», «Күчтәнәч», «Әни, мин көчек күрдем!», «Мөгезборын белән озынборын», «Малай-шалайлар» ТР Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән дөнья күргән.
-
«Адымнар”да яңа дәреслекләр тәкъдим ителде
Бүген Казанның “Адымнар” мәктәбендә ике яңа дәреслекләр тәкъдим ителде. «Әдәби уку» һәм «Адымнар – татар теле» дәреслекләре хакында “Адымнар”ның татар теле һәм әдәбияты укытучысы, филология фәннәре кандидаты Рамил Ханнанов сөйләде.
-
«Саумы, Казан!» / «Здравствуй, Казань!» күргәзмәсе ачыла
26 ноябрь 14.00дә Заманча сәнгать галереясендә «Саумы, Казан!» / «Здравствуй, Казань!» бәйгесе нәтиҗәләре буенча күргәзмә ачыла. Әлеге конкурс Казан Мэриясе тарафыннан Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау һәм үстерү мәсьәләләре комиссиясе ярдәме белән үткәрелде.
-
Тинчурин театрында – Тинчурин турында
18-19 декабрьдә 18.30 сәгатьтә К.Тинчурин исемендәге Татар дәүләт драма һәм комедия театры «Хыялга бер адым» бер сәфәр тарихы премьерасын (12+) тәкъдим итә. Автор – Муса Җәлил исемендәге Республика премиясе лауреаты Рөстәм Галиуллин, режиссер – театрның баш режиссеры Туфан Имаметдинов. Әлеге спектакль – 91 нче театраль сезонның өченче премьерасы дип хәбәр итә театр матбугат хезмәте.
ТӘКЪДИМ ИТӘБЕЗ
