Табиб мәктәпкә алып барырга ярамаган чәчәкләрне атады

22 августа 2022 Мәгариф

1 сентябрьдә укытучы өчен чәчәк гөлләмәсе сайлаганда аның матурлыгы һәм бәясе генә түгел, нинди чәчәкләрдән торуы да мөһим роль уйный. Эш шунда ки, алар кешедә теләсә кайсы яшьтә аллергия китереп чыгарырга мөмкин. Мәскәүнең Ленин проспектындагы МЕДСИ клиникасы аллерголог-иммунологы Наталья Игнатова «Прайм» агентлыгына шулай дип белдерде. Бу хакта Татар-информ хәбәр итә.

Аллергияне чәчәкләр үзләре түгел, ә серкә аксымына реакция белдерә торган иммун система китереп чыгара. Әгәр ул аны дошманы дип «санаса», саклагыч антитәнчекләр ясала башлый, алар томау һәм лайлалы тышчаның шешүе рәвешендә тискәре йогынты ясый.
«Аллергия ихтималын киметү өчен иссез чәчәкләр сайларга кирәк. Исе никадәр азрак икән, серкәсе шулкадәр кимрәк булачак», - дип киңәш итә табиб.
Ул күке яшен иң куркынычсыз чәчәкләр рәтенә кертә, аның серкәсе юк диярлек. Гөлчәчәкнең серкәсе һавага күтәрелү өчен бик авыр, шуңа күрә биредә аллергия ихтималы аз. Ә менә лалә, калла, хризантема һәм маргариткаларны, гөлләмәләр ясаганда кулланыла торган декоратив чәчәкләр кебек үк, аллергиядән интегүчеләргә бүләк итәргә ярамый.