300 укучыга бер педагог-психолог

Россия Мәгариф министрлыгы балалар бакчаларында,  гомуми һәм урта һөнәри белем бирү оешмаларында эшләүче  педагог-психологлар штатын төгәл билгеләүне күздә тоткан проект  тәкъдим итте.
Аның нигезендә бакчаларда тәрбияләнүче 200 балага бер педагог-психолог, мәктәпләрдә 300 укучыга һәм колледжда  белем алучы 500 студентка берәр психолог ярдәм күрсәтергә тиеш була. «Мәгариф» милли проекты кысаларында гамәлгә ашырылачак әлеге проект  регионнардагы мәгариф идарәләре һәм профессионал  психологлар җәмгыятьләре экспертлары тарафыннан хуплау тапкан. Россия Федерациясе мәгариф  системасында бу эшчәнлекне 2025 елга кадәр тормышка ашыру планлаштырыла.
Альберт САБИР