Абитуриентлар өчен булачак һөнәрләрнең электрон навигаторы эшли башлады

Татарстан Мәгариф һәм фән министрлыгының матбугат үзәге хәбәр итүенчә, Наука.рф. унъеллык фән һәм технологияләр сайтында  фәнни белгечлекләр буенча навигатор үз эшен башлады.
Навигаторның бурычы – фәнни белгечлекләр турында абитуриентларга һәм алга таба тормышны фән белән бәйләргә  теләгән барлык кызыксынучыларга ярдәм итү.  Монда бөтен Россия буенча якынча 500 югары уку йортының бакалавриат, специалитет, магистратура һәм аспирантура әзерләү юнәлешләре һәм белгечлекләре турында мәгълүмат бирелгән. Булачак студентлар кызыксындырган юнәлешне, белгечлекне сайлый һәм сайлап алынган юнәлешне нинди вузларда үзләштерергә мөмкин булуын белә алачак.

Фәния Лотфуллина