Айгөл Бариева – халык артисты

26 апрель көнне Эльмира Кәлимуллина, Вадим Захаров, Вәис Бәйрәмов, Айгөл Бариева, Равил Галиевкә Татарстанның халык артисты дигән мактаулы исем бирелгән.

"Бу олы лаеклы исемне алуымны мин әтиемә багышлыйм. Ул аны 30 ел элек үлгән елында алырга тиеш булган, ләкин өлгермәде. Китеп барды. Әтиемне күмгәндә, аңа сүз бирдем: Бариевлар гаиләсенә бу олы исемне алырга тырышырмын, дидем. 30 ел бу нәзерне, теләкне тормышка ашырыр өчен бик тырыштым", – дип язган Айгөл Бариева.

Русиянең һәр тарафында, шулай ук Башкортстанда да бу җырчыларны яратып тыңлыйлар, кочак җәеп каршы алалар. Бу исемгә алар чыннан да лаек.