Баулыда Гаилә фестивале үтәчәк

Бәйрәм программасы төрледән-төрле чара тәкъдим итә: районның сәнгать мәктәбе укучылары, җирле артистлар чыгышлары, Гаилә фестивале,  «Без бергә – мы вместе!» этнофестивальләре...Әлмәт шәһәренең «Леонардо» бәйрәм корпорациясе бәйрәм программасын үзенең чыгышы белән бизәячәк. Моннан тыш, бәйрәм мәйданында иҗат остаханәләре, мастер-класслар, балалар өчен мәйданчыклар, гастрономия зонасы эшләячәк, милли ишегаллары күргәзмәсе, музыкаль мәйданчыклар, кул эшләре осталарының ярминкәләре узачак.. Чарада Татарстан һәм Башкортстан артистларының концерты да була. Бәйрәм уңаеннан ТР атказанган артисты Азалия Зиннәт, ТР һәм Башкортстанның халык артисты Салават Фәтхетдинов һәм Башкортстан Республикасының халык артисты Радик Юльякшин -Элвин Грей баулыларга зур тамаша күрсәтәчәк.