БДИның уңай һәм тискәре яклары

18 апреля 2024 Мөршидә КЫЯМОВА

Бүген “Мәгариф” журналында “Бердәм дәүләт имтиханындагы быелгы яңалыклар һәм укучы тормышына тәэсире” дигән темага түгәрәк өстәл чарасы булып узды.

Түгәрәк өстәлдә ТР Мәгариф һәм фән министрлыгының мәгариф өлкәсендә күзәтчелек һәм контроль департаментының төп киңәшчесе Ландыш Әхмәтова, Казанның 33 нче гимназия директоры Фаяз Гыйззәтуллин, 27 нче гимназиянең рус теле һәм әдәбияты укытучысы Гүзәл Яруллина һәм татар теле һәм әдәбияты укытучысы Гыйләҗева Гөлфия, 84 нче мәктәпнең тарих укытучысы Гөлнар Батманова катнашты.

Россиядә БДИдан тыш укучыларның белемен бәяли торган башка камил механизм юк, дигән фикердә түгәрәк өстәл кунаклары. ТР Мәгариф һәм фән министрлыгының мәгариф өлкәсендә күзәтчелек һәм контроль департаментының төп киңәшчесе Ландыш Әхмәтова быел кертелергә ихтимал булган яңалыкларга тукталып узды. Чарада һәр катнашучы бердәм дәүләт имтиханының уңай яклары турында бәян итеп узды.

Түгәрәк өстәлдә яңгыраган фикерләргә нигезләнеп, “Мәгариф” журналының май санына әтрафлы язма әзерләнә. Мөгаллимнәрнең чарада яңгыраган кызыклы фикерләре журналда урын алачак.

Автор фотосы